A protagonista de Mamut é unha moza arcaica atrapada na vida moderna. O seu hábitat é a cidade, onde traballa para vivir. Quere ser nai, e isto obrígaa a achegarse aos homes. Como resistir o formigueiro humano se tes instinto de cazador solitario?
Un día abandona a cidade, cambia de contorna e convértese na dona dunha casa completamente illada. Alí só están o pastor, a soidade e bestas que che alimentan ou che ameazan. O instinto traballa, a conciencia altérase e xestase unha transformación.
Esta non é unha novela máis sobre a fuxida ao campo, isto é unha bomba de reloxería sobre as chagas da sociedade contemporánea, unha narración in crescendo que ouvea a mercé desta novelista salvaxe que é Eva Baltasar.