Amizades, murmuracións, primeiros amores, celos, recordos, unha casa encantada… Enid é a primeira novela dunha serie de catro títulos en total, que conta as vicisitudes de cinco irmás: Enid, Hortense, Bettina, Geneviève e Charlie. Cada novela está dedicada a unha das irmás. Imposible non pensar en "Mujercitas" ao ler as historias das irmás Verdelaine. As irmás Enid, Hortense, Bettina, Geneviève e Charlie perderon aos seus pais hai pouco e viven soas en Villa Hervé, unha gran casa á beira do océano. O seu día a día, as súas vivencias e as súas loitas son as protagonistas desta pequena gran novela que se le nun amén. Unha cotiandade feita de amizades, primeiros amores, afectos, desavinzas, murmuracións de clase, pantasmas na casa e terribles tempestades que axitan as árbores que rodean a Vila. E que tamén axitan o mundo interior das mozas…