Índice

As ecuacións, eses conxuntos de números e símbolos separados polo signo igual, son a alma das matemáticas, a ciencia e a tecnoloxía. Sen elas, o noso mundo non existiría na súa forma actual: agochadas para moitos, constituíron unha forza motora na civilización humana durante miles de anos, abrindo novas perspectivas en campos tan variados coma as comunicacións, a tecnoloxía espacial ou a física nuclear. Que é así, é algo que se encarga de demostrar, coa súa mestría habitual, o distinguido matemático e reputado divulgador Ian Stewart. Para isto seleccionou 17 ecuacións, pertencentes a dous grupos diferentes. Un é o das ecuacións que revelan regularidades matemáticas, coma o teorema de Pitágoras, que nos di como están relacionados os tres lados dun triángulo rectángulo, mentres que o outro é o das ecuacións que expresan leis da natureza, coma a lei de gravitación universal de Newton, as ecuacións do electromagnetismo de Maxwell, a ecuación de Schrödinger da mecánica cuántica, ou a ecuación desenvolvida por Claude Shannon que define canta información contén unha mensaxe.